गाजामा मानवीय सहायताका लागि सामग्रीसहित २७६ ट्रक प्रवेश

तेलअभीभ। इजरायलको कोगाट क्षेत्रहरूमा सरकारी गतिविधिहरूको समन्वयमा मानवीय आपूर्ति बोकेका २७६ सहायता ट्रकहरू गाजामा प्रवेश गर्न अनुमति दिइएको सिएनएनले जनाएको छ ।

गाजा र वेस्ट बैङ्कमा इजरायली प्रशासनका लागि जिम्मेवार इजरायली सैन्य निकाय कोगाटले यो जानकारी सार्वजनिक गरेको हो ।

सामाजिक सञ्जाल एक्समा कोगाटले मानवीय आपूर्ति लिएर गाजामा प्रवेश गर्ने ट्रकहरूको भिडियो सार्वजनिक गर्दै यो जानकारी गराएको हो ।

विज्ञप्तिअनुसार ‘इमिराती अस्पतालमा चिकित्सा सहायताका नौ ट्रक र चिकित्सा सहायताका नौ ट्रकहरू आईसीआरसीको समन्वयमा अस्पतालमा पुगेका हुन् ।एएनआई