तेस्रो राष्ट्रपति रनिङ्ग शिल्ड प्रतियोगिता सुरु

महोत्तरी । महोत्तरीको औरही नगरपालिकामा तेस्रो राष्ट्रपति रनिङ्ग शिल्ड प्रतियोगिता आजबाट सुरु भएको छ । नगर प्रमुख प्रदीप कुमार खड्काले प्रतियोगिताको उद्घाटन गर्नुभएको हो।

राष्ट्रपति रनिङ शिल्डमा औरही नगरपालिकाका भित्रका ४ ओटा सामुदायिक मावि विद्यालय र २ ओटा निजी बोर्डिङ विद्यालय गरी जम्मा ६ विद्यालय सहभागी रहेको छन्। ‘स्वास्थ्यका लागि खेलकुद राष्ट्रका लागि खेलकुद’ भन्ने मुख्य ध्येयका साथ तेस्रो राष्ट्रपति रनिङमा भलिबल, हाई जम्प, त्रिपलजम्म, लंगजम्म, सट पुट छेलो, दौड, ज्याभलिङ्ग थ्रो, कपर्दी, रिले रेस जस्ता प्रतियोगिता हुने औरही नगर शिक्षा शाखाका प्रमुख धनबहादुर राईले जानकारी दिनुभयो ।

प्रतियोगिता फाल्गुन ६ गतेसम्म हुने छ ।