बारामा ८ अर्ब ६४ करोड बढीको धान उत्पादन
बारा । बारा जिल्लाका कृषकहरूले यस वर्ष अगहनी, भदैया र चैते धानवाली खेती गरि गत वर्षको तुलनामा यस बर्ष २० हजार ५सय ८७ दशमलव ५ मेट्रिकटन धान बढी उत्पादन भएको ज्ञानकेन्द्रका प्रमुख जितेन्द्र यादवले जानकारी दिनुभयो ।
कुल २ लाख ७१ हजार ६२ मेट्रिकटन धान उत्पादन भएको प्रमुख यादवले भन्नुभयो । । सो उत्पादित धान कुल ८ अर्ब ६४ करोड ३ लाख ३८ हजार बराबरको अगहनी, भदैया र चैते धान उत्पादन भएको बाली संरक्षण अधिकृत राजनारायण साहले जानकारी दिनुभयो ।
विभिन्न जातको अगहनी धान ३४ हजार १ सय २० हेक्टर क्षेत्रफलमा खेती गरि प्रति हेक्टर ४ दशमलव १ मेट्रिकटनले रु, ४ अर्ब ७५ करोड ६३ लाख, २८ हजार बराबरको १ लाख ३९ हजार ८ सय ९२ मेट्रिक धान उत्पादन भएको छ ।
त्यसैगरि भदैयाधान ११ हजार ९ सय हेक्टर क्षेत्रफलमा खेती गरि प्रति हेक्टर ४ दशमलव ३ प्रतिशतले कुल १ अर्ब ४८ करोड, ३९लाख ३० हजार बराबरको ५१ हजार १ सय ७० मेट्रिकटन भान उत्पादन भएको ज्ञानकेन्द्रका यादवले जानकारी गराउनु भएको थियो ।
चैते धान १६ हजार हेक्टर क्षेत्रफलमा खेती गरि प्रति हेक्टर ५ मेट्रिकटनको दरले २ अर्ब ४० करोड , ८० हजार बराबरको ८० हजार मेट्रिकटन उत्पादन भएको छ । गतबर्ष कृषकहरूले अगहनी, भदैया र चैते धान खेती गरि यस वर्षको तुलनामा २० हजार ५ सय ८७ दशमलव ५ मेट्रिकटन धान उत्पादनमा कमी आएको बाली संरक्षण अधिकृत साहले जानकारी दिनुभयो ।
६ अर्ब १४ करोड ९८ लाख ७५ हजार बराबरको २ लाख ५० हजार ४ सय ७१ दशमलव ५ मेट्रिकटन धान उत्पादन भएको थियो । अगहनी ३४ हजार १ सय १५ हेक्टरमा खेती गरि प्रति हेक्टर ४ दशमलव २ प्रतिशत मेट्रिकटनले रु ३ अर्ब ५८ करोड, २० लाख ७५ हजार बराबरको १ लाख ४३ हजार २ सय ८३ मेट्रिकटन धान उत्पादन भएको थियो ।
त्यसैगरि भदैया धान ११ हजार ९ सय ५ हेक्टर क्षेत्रफलमा खेती गरि प्रति हेक्टर ४ दशमलव ३ प्रतिशत मेट्रिकटनको दरले १ अर्ब २७ करोड, ९८ लाख बराबरको ५० हजार १ सय ९१ दशमलव ५ मेट्रिकटन भदैया धान उत्पादन भएको थियो ।
चैते धान भने १४ हजार हेक्टर क्षेत्रफलमा खेती गरि किसानहरुले ४ मेट्रिकटनको दरले रु १ अर्ब २८ करोड ८० लाख बराबरको ५६ हजार मेट्रिकटन चैते धान उत्पादन भएको बाली अधिकृत साहले भन्नुभयो ।
प्रतिक्रिया राख्नुहोस्