दुहबी नगरपालीका स्वास्थ्य सुधार क्षेत्रमा सुनसरीकै सर्वोत्कृष्ट घोषीत

सुनसरी । २०७९/८० को बार्षीक सुचाङ्क सर्वेक्षण बाट सुनसरी जिल्लाको १२ वटै पालीका मध्ये दुहबी नगरपालीका प्रथम स्थान प्राप्त गर्न सफल भएको छ ।

जिल्ला स्वास्थ्य कार्यलय सुनसरीले गरेको समिक्षा कार्यक्रमबाट दुहबी नगरपालीकाले स्वास्थ्य क्षेत्रमा गरेका बिभिन्न सुधारका कार्यक्रमहरु मार्फत सुचकहरुमा उत्कृस्ट हुदै प्रथम स्थान ओगट्न सफल भएको हो ।
दुहबी नगर क्षेत्रका स्वास्थ्य चौकीले दिइरहेको सेवा, सुविधा लगायतलाई मूल्यांकन गरी स्वास्थ्य कार्यालय सुनसरीले दुहबी नगरपालिकालाई सर्वोत्कृष्ट घोषणा गरेको स्वास्थ्य कार्यालय सुनसरीका प्रमुख सागर प्रसाईले बताए । उनले सुनसरी जिल्लाका १२ वटै स्थानीय तहमा रहेका स्वास्थ्य केन्द्रहरुको न्युनतम सेवा मापदण्डको मूल्यांकन गरिएको बताए ।

दुहबी नगरपालीकाले गरेको बार्षीक कार्यक्रम अन्तर्गत नगर प्रमुख स्वास्थ्य बीमा कार्यक्रम, पोषण बितरण तथा कुपोषण नियन्त्रण ,खोप, सुरक्षित मातृत्व लगायत दिगो बिकाश लक्ष्यमा आधारित सुचक र कार्यक्रम हरु मार्फत १०० प्रतिशत नतिजा निकल्दै जिल्लाकै प्रथम हुदै प्रशंसा पत्र प्राप्त गर्न सफल भएको दुहबी नगरपालिकाका नगर प्रमुख बेदनारायण गच्छादारले जानकारी दिनुभयो ।

नगर प्रमुख गच्छादारले जनताको नजिकको स्वास्थ्य केन्द्रहरुलाई सबल बनाएर नागरिकको स्वास्थ्यको अधिकारलाई प्रत्याभूत गर्नका लागि स्वास्थ्य चौकीहरुले भूमिका निर्वाह गरिरहेको बताउँदै दुहबी नगरपालिका स्वास्थ्य साखाको अभ्यास सबैका लागि अनुकरणीय रहेको बताए ।

प्रमुख प्रशासकिय अधिकृत राजकुमार केसिले कुनै पनि काम सफल गराउन मुख्य नेतृत्वको भुमिकामा निर्भर हुने हुदा नगरप्रमुखको लिडरशिप स्मरणिय र उदाहरणिय रहेको प्रशंशा गर्दै स्वास्थ्य कर्मचारीहरुको योगदानको सदैब उच्च समान् रहने बताए ।