सप्तरीमा आगलागी हुँदा ४ वटा घर जले

सप्तरी ।  सप्तरी जिल्लाको राम बस्तीमा आगलागी हुँदा ४ वटा घर जलेका छन् ।  हनुमाननगर कंकालिनी नगरपालिका  वडा नम्बर ५ योगिनियां स्थित भगवती मन्दिर नजिकै रहेको बस्तीमा आगलागी हुँदा करिब ७ लाख बराबरको धन क्षति भएको हो ।

बिहीबार राति  स्थानीय रोहित रामको घरमा आगलागी हुँदा  जस्ताले बनाएको ४ वटा घर , २ वटा गाई, खाद्यान्न सामग्री, लताकड़ा, भाडाकुडा, फर्निचरको सामानहरू जलेर नष्ट भएको इलाका प्रहरी कार्यालयका प्रहरी नायव निरीक्षक शत्रुधन राउतले जानकारी दिनुभयो ।

गाईको गोठमा लामखुट्टे धपाउन बालेको घुरबाट अचानक आगो सल्केर आगलागी भएको  राउतले जानकारी दिनुभयो ।

आगलागी स्थानीयवासी, हनुमानगर कंकालिनी नगरपालिकाको दमकल र ईप्रका हनुमाननगरका प्रहरी टोलीको संयुक्त प्रयासमा निभाउन सफल भएको राउतले बताउनुभयो ।