उपनिर्वाचन : चितवन क्षेत्र नं.२ को मत गणना सुरु
चितवन । चितवन क्षेत्र नम्बर २ मा आइतबार सम्पन्न उपनिर्वाचनको मत गणना सुरु भएको छ ।
चितवन उद्योग सङ्घको प्रदर्शनी केन्द्रमा आज अपराह्न २ः०० बजेबाट मतगणना शुरु भएको हो । अहिले इच्छाकामना गाउँपालिकाको १ र ३ नं. वडाको मत गणना भइरहेको छ ।
मतदानको दिन राष्ट्रिय स्वतन्त्र पार्टीले आचारसंहिता उल्लङ्घन गरेका विषयमा विवाद भएपछि मतगणना हुन सकेको थिएन ।
यस क्षेत्रमा ७८ हजार २७७ मत खसेको छ ।
प्रतिक्रिया राख्नुहोस्