यूएईविरुद्ध बलिङ गर्दै नेपाल

काठमाडौँ । आइसिसी विश्वकप क्रिकेट लिग-२ अन्तर्गतको अन्तिम खेलमा आज नेपालले युएईको सामना गर्दै छ ।

आजको खेलमा युएईले टस जितेर पहिला ब्याटिंग गर्ने निर्णय गरेको छ । युएईका कप्तान मोहमद वासिमले टस जितेर पहिला ब्याटिंग गर्ने निर्णय गरेका हुन् ।

त्यस्तै नेपालले आफ्नो टिममा एक परिवर्तन गरेको छ । नेपालले करण केसीलाई बेन्चमा राखेर उनको ठाउमा गुलशन झालाई खेलाएको छ ।

बिहीबारको खेल नेपाली क्रिकेट इतिहासकै सबैभन्दा ठूलो र महत्त्वको हो । आजको खेल जितेमा नेपालले ३९ अंक रहेको नामिबियालाई उछिन्दै जिम्बाब्वेमा हुने एकदिवसीय विश्वकपको छनोट खेल्न पाउनेछ ।