माओवादी अध्यक्ष प्रचण्ड सुकुटेमा
सिन्धुपाल्चोक । नेकपा (माओवादी केन्द्र) का अध्यक्ष पुष्पकमल दाहाल प्रचण्ड सिन्धुपाल्चोकको सुकुटे आउनुभएको छ ।
पार्टीको दस्ताबेज लेखन र महत्त्वपूर्ण राजनीतिक निर्णय लिनु अघि माओवादी अध्यक्ष प्रचण्ड सुकुटे आउने गर्नुभएको छ । प्रतिनिधि र प्रदेश सभा निर्वाचनको अन्तिम परिणाम आउँदै गर्दा निवर्तमान सभामुख अग्निप्रसाद सापकोटासँगै प्रचण्ड सुकुटे आउनुभएको हो ।
सुकुटेमा अध्यक्ष प्रचण्डले र्याफ्टिङ समेत गर्नुभएको छ । निकट स्रोतका अनुसार प्रचण्ड, सभामुख सापकोटा लगायत आज सुकुटेस्थित सुकुटे बीचमा बस्नुहुने छ ।
काठमाडौँबाट करिब २ घण्टामा पुगिने सुकुटे क्षेत्र बीचको मज्जा लिन र जलयात्राका लागि निकै चर्चित छ । सुकुटे बसाई आन्तरिक तथा बाह्य पर्यटकका लागि तुलनात्मक रुपमा सस्तो समेत रहेको छ ।
प्रतिक्रिया राख्नुहोस्