बाराको सिम्रौनगढबाट  ९ लाख  नेपाली नक्कली नोटसहित एक जना  पक्राउ

बारा  । बारा प्रहरीले सिम्रौनगढबाट करिब नौ लाख नेपाली नक्कली नोटसहित एक जनालाई पक्राउ गरेको छ । 

विशेष सूचनाको अधारमा गएको प्रहरी टोलीले सिम्रौनगढ  नगरपालिकाको वडा न.०५ कनकपुरबाट नक्कली नोट सहित मानिसलाई पक्राउ गरिएको जिल्ला प्रहरी कार्यालय बाराले जनाएको छ । 

रोकी राखेको नम्बर प्रस्ट नबुझिने मोटरसाइकलमा राखिएको नक्कली नोटसहित  चालक मोतिहारी जिल्ला पिपरकोठी थाना बस्ने बर्ष २५ को रञ्जित कुमार मुखियालाई प्रहरीले पक्राउ गरेको हो । 

प्रहरीले ९ वटा गड्डीमा रहेको रु १ हजार दरका ८ सय ९५ थान नक्कली नोट बरामद गरेको बारा प्रहरी प्रवक्ता प्रहरी नायब उपरीक्षक राजेश थापाले जानकारी दिनुभयो । पक्राउ परेकालाई ईलाका प्रहरी सिम्रौनगढको नियन्त्रणमा राखी थप अनुसन्धान भइरहेको जिल्ला प्रहरी कार्यालय बाराले जनाएको छ  ।