खोलामा डुबेर बालिकाको मृत्यु

कञ्चनपुर । कञ्चनपुरको पुनर्वासमा खोलामा डुबेर एक बालिकाको मृत्यु भएको छ ।

पुनर्वास नगरपालिका ५ स्थित सिमरी खोलामा माछा मार्ने क्रममा डुबेर आइतबार दिउँसो सोही ठाउँ बस्ने १६ वर्षीया बालिका प्रेमवती रानाको मृत्यु भएको प्रहरीले जनाएको छ ।

मृतक बालिकाको शव स्थानीय र प्रहरीको संयुक्त प्रयासमा फेला परेको र शव परीक्षणका लागि सेती प्रादेशिक अस्पताल धनगढी पठाइएको इलाका प्रहरी कार्यालय त्रिभुवनबस्तीका प्रहरी निरीक्षक नरेशराज मल्लले जानकारी दिनुभयो ।