एक खर्ब ४० अर्ब १६ करोड मात्रै पुँजीगत खर्च
काठमाडौँ । चालु आर्थिक वर्ष सकिन २७ दिन बाँकी रहँदा एक खर्ब ४० अर्ब १६ करोड बराबर मात्रै पुँजीगत खर्च भएको छ ।
सरकारले कूल तीन खर्ब ७८ अर्ब नौ करोड बराबरको पुँजीगत खर्च गर्ने लक्ष्य राखेको थियो ।
सरकारले विकास निर्माणको काममा हुने खर्च बढाउने र त्यसका लागि सबै उपाय अवलम्बन गर्ने भने पनि त्यसअनुसार हुन सकेको छैन ।
यही असार ४ गते शनिवारसम्म सरकारको कूल खर्च ६४.५५ प्रतिशत बराबर भएको छ ।
चालु खर्च भने ७७.२ प्रतिशत बराबर भएको छ ।
सरकारले चालु आर्थिक वर्षमा कूल ११ खर्ब ८० अर्ब ६० करोड बराबरको राजस्व सङ्कलन गर्ने लक्ष्य राखेको छ ।
त्यसमध्ये हालसम्म नौ खर्ब ४८ अर्ब २० करोड बराबरको राजस्व सङ्कलन भएको छ ।
यो कूल लक्ष्यको ८०.२३ प्रतिशत बराबर हो ।
प्रतिक्रिया राख्नुहोस्