नदीमा डुबेर कैलालीमा दुई बालकको मृत्यु 

टीकापुर कैलाली । नदीमा डुबेर कैलालीको धनगढीमा दुई बालकको मृत्यु भएको छ । 

मोहना नदीको चटकपुर–राजघाट जोड्ने पुलको मुनि पौडी खेलिरहेका बेला डुबेर आज दिउँसो दुई बालकको मृत्यु भएको प्रहरीले जनाएको छ । 

डुबेर मृत्यु हुनेमा धनगढी उपमहानगरपालिका वडा नम्बर ३ का साढे ९ वर्षीय अनुप चौधरी र १२ वर्षीय विष्णु गुप्ता रहेको जिल्ला प्रहरी कार्यालय कैलालीका प्रवक्ता वेदप्रकाश जोशीले जानकारी दिनुभयो । 

मध्यान्ह १२ बजेतिर पुलमुनि नुहाइरहेका बेला उनीहरू दुवै जना नदीमा डुबेका थिए ।