गोरखाको आरुघाट गाउँपालिकामा नेपाली काँग्रेसका उम्मेदवार गुरुङ  र नेपाली विजयी

गोरखा। आरुघाट गाउँपालिको अध्यक्षमामा नेपाली काँग्रेसका राजु गुरुङ विजयी हुनु भएको छ ।

गाउँपालिकाको उपाध्यक्षमा काँग्रेसकै उम्मेदवार कल्पना नेपाली विजयी हुनुभएको छ ।
गुरुङ ५ हजार ५ सय ५६ मतका साथ र नेपाली ६ हजार ३सय ३१ मतका साथ विजयी हुनु भएको हो ।

अध्यक्षमा विजयी गुरुङका निकटतम प्रतिस्पर्धी नेकपा एमालेका कृष्ण नेपालीले ४ हजार ८ सय ३३ मत प्राप्त गर्नुभएको छ । उपाध्यक्षमा विजयी नेपालीको निकटतम प्रतिस्पर्धी एमालेकी सीता दाहालले ३ हजार ८ सय १६ मत प्राप्त गर्नु भएको छ । 

गुरुङ यस अघि गोरखा जिल्ला समन्वय समितिको सदस्य भएर काम गरिसक्नु भएको छ ।  उपाध्यक्षमा निर्वाचित नेपाली दोस्रो कार्यकालका लागि निर्वाचित हुनुभएको हो ।

आरुघाटको १० वटा वडा मध्ये १,२,३, ७ र ८ काँग्रेसका उम्मेदवार विजयी हुनुभएको छ ।  वडा नम्बर ४,५,६ र १० मा  नेकपा एमालेका उम्मेदवारहरू विजयी हुनुभएको छ ।  माओवादी केन्द्रका उम्मेदवार वडा नम्बर ९ मा विजयी हुनुभएको छ ।