झम्सिखेल र नयाँ बस्ती बीचको खेल बराबरी
ललितपुर । सहिद स्मारक ‘बी’ डिभिजन लिग अन्तर्गत सोमबार भएको खेलमा झम्सिखेल युथ क्लब र नयाँ बस्ती युथ क्लबले १-१ गोलको बराबरी खेलेका छन् ।
ललितपुरको सातदोबाटो स्थित एन्फा कम्प्लेक्समा भएको खेलमा नयाँ बस्ती युथ क्लबका लागी खेलको १५ औ मिनेटमा सोनाम योञ्जनले गोल गर्दै खेलमा नयाँ बस्तीलाई अग्रता दिएका थिए । तर नयाँ बस्तीको अग्रता धेरै समय टिक्न सकेन र खेलको १८औं मिनेटमा झम्सिखेलका सञ्जय रम्तेलले फ्री-किक मार्फत उत्कृष्ट गोल गर्दै खेलमा बराबरी गरेका थिए ।
दोस्रो हाफ गोल रहित रहे पछि खेल १-१ को बराबरीमा सकियो ।
सोमबारको खेलको ‘म्यान अफ द म्याच’ झम्सिखेलका सञ्जय रम्तेल भएका छन् ।
बराबरी पछि झम्सिखेल पाँच खेलबाट ६ अङ्क प्राप्त गरी लिगको छैठौ स्थानमा छ ।
प्रतिक्रिया राख्नुहोस्