चार दिनदेखि हिउँमा फसेका बाबु छोराको उद्धारमा समस्या

ताप्लेजुङ । चार दिनदेखि हिमपातमा फसेका ताप्लेजुङका मिक्वाखोला गाउँपालिकाका बाबु छोराको उद्धारमा समस्या भएको छ । 

बाबु छोराका उद्धारका लागि आज दिउँसो लोदेन खर्कमा गएको हेलिकप्टरले ठाउँको पहिचान गर्न नसक्दा त्यसै सदरमुकाम फर्किएको छ ।

बाक्लो हिमपातका कारण ठाउँको पहिचान गर्न नसकिएको वडाध्यक्ष डण्डु शेर्पाले जानकारी दिनुभयो । 

बुधवार भारी हिमपात हुन थालेपछि चौँरी गोठ सार्ने क्रममा गाउँपालिका वडा नं ५ निवासी बुबा ५० वर्षीय लाक्पा टाँसी शेर्पा  र छोरा १५ वर्षीय पासाङ छिरिङ शेर्पा चार दिनदेखि हिमपातमा पसेका छन् । 

हेलिकप्टरले हेर्ने काम भयो पुन बस्तीमा रोकेर पुन ठाउँको पहिचान गर्न खोजिए पनि हिउँले केही देख्न नसकिएको वडाध्यक्ष शेर्पाले बताउनुभयो । 

उद्धारका लागि सरकारी हेलिकप्टर ल्याउने कागजी प्रक्रिया ढिलो भएका कारण प्राइभेट कम्पनीको हेलिबाट उद्धारको प्रयास गरिएको थियो । 

टाँसीले आफूहरू हिउँमा फसेको भन्दै उद्धारका लागि आज बिहान पनि फोन समर्पक गरेको वडा अध्यक्ष शेर्पाको बताउनुभयो । 
गाउँले र स्थानीय प्रहरीहरू उद्धारका लागि गए पनि हिउँले बाटो पुरै ढाकेकोले सम्भव नभएको बताइएको छ । 

आज उद्धारमा गर्न कठिनाइ भएकोले भोलि बिहान पुन सात बजे उद्धारका प्रयास गरिने प्रमुख जिल्ला अधिकारी उमेश पाण्डेले जानकारी दिनुभयो ।