बाँकेमा ५१ जना कोरोना संक्रमित निको भई डिष्चार्ज

 नेपालगन्ज। बाँकेमा आज ५१ जना कोरोना संक्रमित निको भई डिष्चार्ज भएका छन् । डिष्चार्ज हुनेमा ३६ जना पुरुष र १५ जना महिला छन् । यो संगै बाँकेमा कोरोना संक्रमणबाट निको हुनेको संख्या २ हजार २ सय ७७ पुगेको स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो ।

बाँकेमा विरामी निको हुने दर ८०.१८ प्रतिशत रहेको छ । अब आइसोलेसनमा ५ सय ३४ जना छन् । बाँकेमा हालसम्म २ हजार ८ सय ४१ जनामा कोरोना पुष्टि हुँदा २९ जनाको भने मृत्यु भइसकेको छ ।