उपत्यकामा थप नौ सय ४३ जनामा कोरोना सङ्क्रमण पुष्टि

काठमाडौं । उपत्यकामा आज नौ सय ४३ जनामा कोरोना सङ्क्रमण पुष्टि भएको छ ।

स्वास्थ्य तथा जनसङ्ख्या मन्त्रालयको आजको नियमित प्रेस व्रिफिङ्मा मन्त्रालयका प्रवक्ता प्रा.डा.जागेश्वर गौतमले दिनुभएको जानकारी अनुसार उपत्यकामा थप नौ सय ४३ जनामा कोरोना भाइरसको सङ्क्रमण पुष्टि भएको हो ।

सङ्क्रमित हुनेहरुमा काठमाडौँमा आठ सय १७ जना, ललितपुरमा ६८ जना र भक्तपुरमा ५८ जना गरी आज उपत्यकामा थप नौ सय ४३ जनामा कोरोना सङ्क्रमण पुष्टि भएको मन्त्रालयका प्रवक्ता प्रा.डा. गौतमले जानकारी दिनुभयो ।

त्यसैगरी आज देशभर छ सय २८ जना महिला र एक हजार दुई सय ८३ पुरुष गरी एक हजार नौ सय ११ जनामा कोरोना भाइरसको सङक्रमण पुष्टि भएको छ । योसँगै नेपालमा कोरोना सङ्क्रमितको कुल सङ्ख्या ७९ हजार सात सय २८ पुगेको छ ।

त्यस्तै आज देशभर आज नौ सय ६१ जना कोरोना भाइरसको सङ्क्रमणबाट निको भई डिस्चार्ज भएका छन् । योसँगै कोरोना भाइरस सङक्रमणबाट निको भई डिस्चार्ज हुनेको कुुल सङ्ख्या ५७ हजार तीन सय ८९ जना रहेको मन्त्रालयका प्रवक्ता प्रा.डा. गौतमले जानकारी दिनुभयो ।