लागुऔषधसहित एक जना पक्राउ
सुनसरी । सुनसरीमा लागुऔषधसहित एक जना पक्राउ परेका छन् । सुनसरीको हरिनगरा–६ बस्ने २५ बर्षीय जिवराइल अन्सारी लागुऔषधसहित पक्राउ परेका हुन् ।
अन्सारीलाई गत सोमबार इटहरी–६ स्थित हङकङ मार्केटको एरियाबाट पक्राउ गरिएको इलाका प्रहरी कार्यालय इटहरीले जनाएको छ ।
अन्सारीले अवैध लागुऔषधको कारोबार गर्ने गरेको सुचना पाइएसँगै प्रहरीको निगरानीमा रहेका उनलाई मंगलबार साँझ नियन्त्रणमा लिइएको थियो ।
नियन्त्रण पश्चात उनले बोकेको झोला चेकजाँच गर्दा लुकाइछिपाई राखिएको अवस्थामा १६ सय Nitrosun ट्याप्लेट फेला पारी बरामद गरिएको जिल्ला प्रहरी कार्यालय सुनसरीले जनाएको छ ।
यसरी लागुऔषधसहित पक्राउ परेका उपर कानुनी कारवाही अगाडी बढाइएको प्रहरी जनाएको छ ।
प्रतिक्रिया राख्नुहोस्