उपत्यकामा थप चार सय ६४ जनामा कोरोना सङ्क्रमण पुष्टि

काठमाडौं । उपत्यकामा आज थप चार सय ६४ जनामा कोरोना सङ्क्रमण पुष्टि भएको छ ।

स्वास्थ्य तथा जनसङ्ख्या मन्त्रालयको आजको नियमित प्रेस व्रिफिङ्मा मन्त्रालयका प्रवक्ता प्रा.डा.जागेश्वर गौतमले दिनुभएको जानकारी अनुसार उपत्यकामा थप चार सय ६४ जनामा कोरोना भाइरसको सङ्क्रमण पुष्टि भएको हो ।

सङ्क्रमित हुनेहरुमा काठमाडौँमा एक सय चार जना महिला र दुई सय ९० जना पुरुष गरी तीन सय ९४ जना, ललितपुरमा २१ जना महिला र १३ पुरुष गरी ३४ जना र भक्तपुरमा २० जना महिला र १६ जना पुरुष गरी ३६ जना गरी आज उपत्यकामा चार सय ६४ जनामा कोरोना सङ्क्रमण पुष्टि भएको मन्त्रालयका प्रवक्ता प्रा.डा. गौतमले जानकारी दिनुभयो ।

त्यसैगरी आज देशभर  एक हजार ८१ जनामा कोरोना भाइरसको सङक्रमण पुष्टि भएको छ । योसँगै नेपालमा कोरोना सङ्क्रमितको कुल सङ्ख्या ४९ हजार दुई सय १९ पुगेको छ ।

त्यस्तै आज देशभरी कोरोना सङ्क्रमण निको भई डिस्चार्ज हुनेहरुको सङ्ख्या नौ सय १८ रहेको  मन्त्रालयका प्रवक्ता प्रा.डा. गौतमले जानकारी दिनुभयो ।