बाँकेमा थप १० जनामा कोरोना सङ्क्रमण पुष्टि

नेपालगञ्ज  । बाँकेमा आज थप १० जनामा कोरोना संक्रमण पुष्टि भएको छ ।  योसँगै बाँकेमा कोरोना सङ्क्रमितको सङ्ख्या एक हजार पुगेको छ ।

भेरी अस्पतालमा गरिएको पिसिआर परीक्षणमा १९ महिने शिशुसहित थप  १० जनामा कोरोना संक्रमण पुष्टि भएको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो ।

बाँकेमा हालसम्म सात सय २७ जना कोरोना सङ्क्रमणबाट निको भएका छन् भने  कोरोना सङ्क्रमणका कारण छ जनाको मृत्यु भएको छ ।