बाँकेमा एकै दिन ३० जना प्रहरीलाई कोरोना संक्रमण पुष्टि
नेपालगन्ज । बाँकेमा आज ३० जना प्रहरीलाई कोरोना संक्रमण पुष्टि भएको छ ।
भेरी अस्पताल नेपालगन्जमा गरिएको पिसिआर परीक्षणमा वडा प्रहरी कार्यालय नेपालगन्जका २९ जनासहित ३० जना प्रहरीलाई कोरोना पुष्टि भएको हो ।
ती मध्ये एक जना बागेश्वरी मन्दिरमा ड्युटी भएका प्रहरी हुन् । वडाका प्रहरी इन्चार्जलाई पनि कोरोना देखिएको छ ।
यसअघि वडा प्रहरी कार्यालयका छ जना प्रहरीलाई कोरोना भाइरस देखिएपछि वडा प्रहरी कार्यालय सिल गरिएको थियो ।
आज मात्रै ३० जना प्रहरीसहित बाँकेमा ४८ जनामा कोरोना संक्रमण पुष्टि भएको प्रमुख जिल्ला अधिकारी रामबहादुर कुरुम्बाङले जानकारी दिनुभयो ।
भेरी अस्मापतालमा आज गरिएको परीक्षणमा दाङकातीन जनालाई पनि कोरोना पुष्टि भएको छ ।
प्रतिक्रिया राख्नुहोस्