निजामती सेवा दिवस २०८२ : कर्मचारीहरूका बीचमा खुल्ला कविता प्रतियोगिता

काठमाडौँ । निजामती सेवा दिवस २०८२ का अवसरमा राष्ट्रसेवक निजामती कर्मचारीहरूका बीचमा खुल्ला कविता प्रतियोगिता हुने भएको छ । 

यस वर्षको निजामती सेवा दिवसका नारा ‘व्यावसायिक र सिर्जनशील प्रशासन: विकास, समृद्धि र सुशासन’ भन्ने रहेको छ । सोही नारासँग सम्बन्धित रही कविता रचना गर्नुपर्ने प्रधानमन्त्री तथा मन्त्रिपरिषद्को कार्यालयले जनाएको छ । निजामती सेवा दिवस,  अतिरिक्त क्रियाकलाप उपसमितिद्वारा आज यहाँ जारी सूचनाका अनुसार प्रतियोगितामा भाग लिन चाहनेले यही भदौ १३ गतेभित्र  कविता पठाउन भनिएको छ । 

उत्कृष्ट तीन र सान्त्वना दुई कवितालाई पुरस्कार र प्रमाणपत्र गरिने सूचनामा उल्लेख गरिएको छ ।