बाजुराका उच्च लेकाली भेगमा हिमपात 

बाजुरा । बाजुराको उच्च हिमाली क्षेत्रमा  यस वर्ष चौथो पटक हिमपात सुरु भएको छ । बुधबार बाट शुरु भएको बदली आज बिहानै देखि वर्षा सँगै हिमपातमा परिणत भएको हो।

आज बिहीबार दिउँसो सम्म जिल्लाको हिमाली क्षेत्र र ९ ओटै स्थानीय पालिकाका उच्च लेकाली भेगमा हिउँ जम्न सुरु भैसकेको  छ।

वर्षा सँगै हिमपात शुरु भएपछि स्थानीय कृषक भने बाली राम्रो हुने भन्दै उत्साहित भएका छन् ,भने चिसोले जनजीवन भने निकै प्रभावित भएको छ।

  हिमपातले गहुँ, जौ ,उवा र हिउँदे  तरकारी लगायत खेती राम्रो हुने किसानले विश्वास लिएका छन्। 

हिमपातले बडिमालिका नगरपालिका वडा नम्बर ७ मा अवस्थित रेडियो नेपालको कालाजग्रा रिले स्टेसन समेत प्रभावित भएको छ। अहिले रिले स्टेसन रहेको क्षेत्रमा हिमपात सुरु  भए सँगै चिसो अत्यधिक मात्रामा बढेको छ।