जीपको ठक्करबाट एक महिलाको मृत्यु

बाजुरा । बाजुरामा जीपको ठक्करबाट एक जना महिलाको मृत्यु भएको छ । मृत्यु हुनेमा बुढीनन्दा नगरपालिका–१० घर भई हाल सोही नगरपालिकाको वडा नम्बर ९ मा बस्ने ६० बर्षकी रुपशिला धामी रहनुभएको छ ।

शुक्रवार दिउँसो बुढीनन्दा नगरपालिका–९ मा मार्तडीबाट कोल्टी जाँदै गरेको सु.प.प्र.०१–००१ च ४४३० नम्बरको जीपले ठक्कर दिँदा धामीको घटनास्थलमै मृत्यु भएको जिल्ला प्रहरी कार्यालय बाजुराले जनाएको छ। 

कैलालीको चुरे गाउँपालिका ६ का लोकेन्द्र साउदले चलाएको जीपले सोही ठाउँको पसलमा सामान झार्ने क्रममा ब्याक गर्ने क्रममा धामी सडकमा हिँडिरहेको अवस्थामा ठक्कर दिएर मृत्यु भएको र चालकलाई नियन्त्रणमा लिएर घटनाका बारेमा थप अनुसन्धान भइरहेको जिल्ला प्रहरी कार्यालय बाजुराका प्रहरी प्रमुख दिलीप कुमार गिरिले बताउनुभयो ।