बसको ठक्करबाट महिलाको मृत्यु 

दाङ । दाङको तुलसीपुरमा बसको ठक्करबाट एक महिलाको मृत्यु भएको छ।

तुलसीपुरको बसपार्क नजिक ठक्कर दिँदा अन्दाजी ३६ वर्षीय महिलाको मृत्यु भएको ईलाका प्रहरी कार्यालय तुलसीपुरले जनाएको छ। वीरेन्द्र चोक बाट बसपार्क जाँदै गरेको लु. प्र.०२००१ ख ४४ नं. को बसले महिलालाई ठक्कर दिएको हो।

बसको ठक्करबाट गम्भीर घाइते भएकी उनको राप्ती प्रादेशिक अस्पताल तुलसीपुरमा उपचारको क्रममा मृत्यु भएको प्रहरीले बताएको छ। मृत्यु भएकी महिलाको परिचय खुल्न सकेको छैन । बस र बस चालक तुलसीपुर उपमहानगरपालिका वडा नम्बर ६ बस्ने ४२ वर्षीय खिमराज ओलीलाई प्रहरीले नियन्त्रणमा लिएको छ।