लुम्बिनी प्रदेश खेलकुद परिषद्का नवनियुक्त सदस्यहरु शपथ
देउखुरी । लुम्बिनी प्रदेशका मुख्यमन्त्री तथा प्रदेश खेलकुद परिषद्का अध्यक्ष चेतनारायण आचार्यले प्रदेश खेलकुद परिषद्का नव नियुक्त सदस्यहरूलाई पद तथा गोपनीयताको शपथ ग्रहण गराउनुभएको छ ।
मुख्यमन्त्री तथा मन्त्रिपरिषद्को कार्यालय राप्ती उपत्यका देउखुरीमा मुख्यमन्त्री आचार्यले आज सम्पन्न परिषद्को पूर्ण बैठकमा नवनियुक्त सदस्यहरूलाई पथ तथा गोपनीयताको शपथ ग्रहण गराउनुभयो ।
खेलकुद परिषद्का सदस्यहरु लेखनाथ खनाल, बलबहादुर केसी, मुक्तिप्रसाद न्यौपाने, गोपीकृष्ण शर्मा, हरिबहादुर थापा, लालबहादुर घर्तीमगर, महेश काउछा, राजु महर्जन, कोशिष बहादुर खड्का, विकास घिमिरे, दीपेन्द्रकुमार डाँगी, जङ्गबहादुर मल्ल, कैलाशकुमार रोका, कपना आचार्य, दिपक खनाल, प्रकाश आर रानाले मुख्यमन्त्रीसमक्ष पद तथा गोपनीयताको शपथ ग्रहण गर्नुभयो ।
यस्तै बैठकले ४ वटा कार्यविधि र एउटा निर्देशिका पारित गरेको खेलकुद परिषद्का सदस्य सचिव तिरणदाज गौतमले जानकारी दिनुभयो ।
प्रतिक्रिया राख्नुहोस्