महावु गाउँपालिका अध्यक्षमा एमालेका शाही विजयी

दैलेख । महावु गाउँपालिकाको अध्यक्षमा नेकपा एमालेकाका जङ्गबहादुर शाही विजयी हुनुभएको छ । मुख्य निर्वाचन अधिकृतको कार्यालयले दिएको प्रारम्भिक मत परिणाम अनुसार एमालेका शाहीले तीन हजार १२७ मत प्राप्त गरी विजयी हुनुभएको छ । उहाँका निकटतम प्रतिस्पर्धी नेपाली काँग्रेसका झलक भण्डारीले दुई हजार ६७५ मत प्राप्त गर्नुभएको छ ।

नेकपामा माओवादीका जङ्ग बहादुर बराल मगरले ८४२ ,राष्ट्रिय स्वतन्त्र पार्टीका प्रकाश एक सय १२ मत प्राप्त गर्नुभएको छ । महावु गाउँपालिकामा १२ हजार ६१४ मतदाता रहेकोमा छ हजार ९८९ मत खसेको थियो ।