सप्तरीको डाक्नेश्वरीमा ७२.२४ प्रतिशत मतदान

सप्तरी । स्थानीय तह उप निर्वाचन अन्तर्गत सप्तरीको डाक्नेश्वरी नगरपालिका–१ र ४ मा भएको मतदान शान्तिपूर्ण रुपमा सम्पन्न भएको छ । बिहान ७ बजेदेखि शुरु भएको मतदान बेलुकी ५ बजे सम्पन्न भएको हो ।

सप्तरीमा शान्तिपूर्वक मतदान सम्पन्न भएको प्रमुख जिल्ला अधिकारी भोला दाहालले बताउनुभयो ।

वडा नम्बर १ मा रहेको कुल मतदाता २ हजार ६ सय २३ मध्ये पुरुष ८ सय ५२, महिला ९ सय ९३ गरी कुल १ हजार ८ सय ४५ मत खसेको मुख्य निर्वाचन अधिकृतको कार्यालयले जनाएको छ । कुल मतदाताको जुन ७०.५८ प्रतिशत हो ।

यसैगरी वडा नम्बर ४ मा रहेको कुल मतदाता १ हजार ३ सय १९ मध्ये पुरुष ४ सय ४१ र महिला ५ सय ४५ गरी कुल ९ सय ८६ मत खसेको निर्वाचन अधिकृतको कार्यालयले जनाएको छ । मतदाता सङ्ख्याको जुन ७४.७३ प्रतिशत हो ।

समग्रमा ७२.२४ प्रतिशत मत खसेको मुख्य निर्वाचन अधिकृतको कार्यालय सप्तरीले जनाएको छ ।

सर्वदलीय बैठक भइरहेकोले सहमति हुनसाथ आइतबार साँझदेखि मतगणना गर्ने तयारी गरिएको प्रजिअ दाहालले जानकारी दिनुभयो ।