हाकिम र ब्रिजेशको नयाँ गीत ‘चिसो चिसो हावाले’ 

काठमाडौँ । गायक हाकिम र गायक ब्रिजेश श्रेष्ठको संयुक्त प्रस्तुतिमा तयार भएको गीत ‘चिसो चिसो हावाले’ सार्वजनिक भएको छ । 

काठमाडौँस्थित जमलमा रहेको विश्वज्योती सिनेप्लेक्समा पत्रकार सम्मेलनको आयोजना गर्दै सार्वजनिक गरिएको गीतको अडियो गायक श्रेष्ठले तयार गर्नुभएको हो  । गीतको भिडियोमा समेत गायक श्रेष्ठ, हाकिम, मोडल युकी, एलिस बहादुर सिंहलगायतको अभिनय छ । 

सार्वजनिक गीतले त्रिकोणात्मक प्रेमलाई दर्शाउने गायक श्रेष्ठले बताउनुभयो । वहाँले भन्नुभयो,‘गीतमा चिसो हावालाई प्रेम कल्पना गरिएको छ । 

केही समयको अन्तरालमा ल्याएको यो गीत मलाई मध्यरातमा फुरेको थियो । हाकिम दाईसँग यसको अडियो तयार गरेपछि नेस स्टुडियो र फुजी स्टुडियोले यसको भिडियो परिकल्पना गरेका हुन् । अडियो झैँ भिडियो पनि सशक्त हुनुपर्छ भन्ने लागेर हामीले मेहनत गरेका छौँ ।’