मोटरसाइकल दुर्घटना एक जनाको मृत्यु

दाङ। दाङ देउखुरीको लमहीमा मोटरसाइकल दुर्घटना एक जनाको मृत्यु भएको छ ।

सोमबार बिहान साढे चार बजेको समयमा लमही बजारबाट तुलसीपुर तर्फ जाँदै गरेको रा ७ प ४९५४ नम्बरको मोटरसाइकल लमहीको रातोडाँडा स्थित प्रहरीको बेरिगेटमा ठोक्किएर दुर्घटना हुँदा सल्यान बागचौर नगरपालिका-३ हाल तुलसीपुर-९ बेलुवा बस्ने अन्दाजी ३० वर्षका लिलाराम डाँगी मृत्यु भएको जिल्ला प्रहरी कार्यालय दाङका प्रहरी प्रवक्ता ईश्वर थापाले जानकारी दिनुभएको छ।

दुर्घटनामा परि गम्भीर घाइते भएका डाँगीको लमही अस्पतालमा उपचारका क्रममा ज्यान गएको प्रवक्ता थापाले बताउनुभयो । मोटरसाइकल चालक तुलसीपुर उपमहानगरपालिका-५ न्युरोड बस्ने अन्दाजी २६ वर्षका रोशन विक सामान्य घाइते भएका छन् । उनलाई वडा प्रहरी कार्यालय लमहीले नियन्त्रणमा लिएको छ ।