ट्रकले ठक्कर दिँदा  पैदल यात्रीको मृत्यु

पाल्पा । पाल्पामा ट्रकले पैदल यात्रीलाई  ठक्कर दिँदा एक जनाको मृत्यु भएको छ । हिजो बेलुका करिब साढे ७ बजेको समयमा खहरेबाट फेदी तर्फ जाँदै गरेको लु २ ख १४५ नम्बरको ट्रकले  पैदलयात्री सोही स्थानका ५३ वर्षका टेक बहादुर ढेगालाई ठक्कर दिँदा उनको मृत्यु भएको प्रहरीले जनाएको छ ।

ट्रकको ठक्करले घाइते भएका ढेगाको उपचारको क्रममा लुम्बिनी मेडिकल कलेज तानसेनमा मृत्यु भएको हो ।

ठक्कर दिने ट्रक र चालकलाई नियन्त्रणमा लिएर थप अनुसन्धान कार्य जारी रहेको जिल्ला प्रहरी कार्यालय पाल्पाका सूचना अधिकारी प्रहरी नायब उपरीक्षक सुनिल मल्लले जानकारी दिनुभयो ।