श्रीमानको बञ्चरो प्रहारबाट श्रीमतीको मृत्यु 

डडेल्धुरा । आफ्नै श्रीमानको बन्चरो प्रहारबाट घाइते भएकी श्रीमतीको उपचारका क्रममा मृत्यु भएको छ । 

डडेल्धुराको आलिताल गाउँपालिका वडा नं. २ मटेलाका ४२ वर्षीय कर्णबहादुर देउवाको प्रहारबाट ३८ वर्षीया श्रीमती डम्मरीदेवी देउवाको उपचारको क्रममा आज अस्पतालले मृत घोषणा गरेको छ । 

मङ्गलवार (हिजो) श्रीमान्–श्रीमतीको आपसी घरायसी झैझगडा हुँदा कर्णबहादुरले टाउकोमा बन्चरो प्रहार गरेको वडाध्यक्ष प्रमोदबहादुर मल्लले जानकारी दिनुभयो । 

घटनापछि घाइते महिलाको उपचार स्थानीय गांखेत स्वास्थ्य चौकीमा सम्भव नभएपछि उनलाई धनगढी अस्पताल रिफर गरिएको थियो । उनको धनगढीस्थित मायामेट्रो अस्पतालमा उपचारका क्रममा अस्पतालले मृत घोषणा गरिएको मल्लले जानकारी दिनुभयो । 

 उनका श्रीमानलाई मङ्गलवार नै नियन्त्रण लिइसकेको जिल्ला प्रहरी कार्यालय डडेल्धुराका प्रवक्ता प्रहरी निरीक्षक कुसुम नायकले जानकारी दिनुभएको छ ।