बाजुरामा ट्याक्टर दुर्घटना हुँदा एकजनाको मृत्यु 

बाजुरा । बाजुराको सदरमुकाम जोड्ने साँफे मार्तडी राजमार्ग अन्तर्गत बडिमालिका नगरपालिका६ मा पर्ने जडाङ्गा नजिकै शनिबार दिउँसो ट्याक्टर दुर्घटना हुँदा एक जनाको मृत्यु भएको छ ।

मृत्यु हुनेमा बडीमालिका नगरपालिका–६ कोर्धका तुले दानिका ३५ वर्षीय छोरा बहादुर दानी रहेको जिल्ला प्रहरी कार्यालय बाजुराले जनाएको छ ।

एमके कन्ट्रक्सनको कम्पनीमा कार्यरत कर्मचारी दानीले आफै चलाएको सु प्र प्र ०१ ००२ त ६८२६ नम्बरको ट्याक्टर अनियन्त्रित भई सडकबाट २० मिटर तल खसेर दानीको घटनास्थलमै मृत्यु भएको जिल्ला प्रहरी कार्यालय बाजुराका प्रहरी नायव उपरिक्षक कविन्द्रसिं बोहराले जानकारी दिनुभयो।