स्कारपियो दुर्घटना हुँदा सिन्धुपाल्चोकमा दुईजनाको मृत्यु 

सिन्धुपाल्चोक । स्कारपियो गाडी दुर्घटना हुँदा सिन्धुपाल्चोकमा दुई जनाको मृत्यु भएको छ । 

आइतबार बिहान २ बजे  बा १५ च ९३७० नम्बरको स्करपियो गाडी  सुनकोसी गाउँपालिका वडा  ७, लामो साँघु  जिरी सडक खण्डको  ५ किलो भन्ने ठाउँमा दुर्घटना हुँदा चालक उत्तमराज महर्जन र सिन्धुपाल्चोकका बलबहादुर खत्रीको निधन भएको जिल्ला प्रहरी कार्यालय सिन्धुपाल्चोकले जनाकारी दिएको छ । 

माथिल्लो सडकबाट गाडी झण्डै ३०० मिटर  पल्टेर तल्लो सडकमा आइपुगेको थियो । गाडीमा  सवार  चार जना घाइते भएका छन् । घाइतेलाई स्थानीयले उदार गरि खाडीचौरस्थित सदावहार अस्पतालमा पुर्‍याए पनि उपचार हुन नसकेपछि धुलिखेल अस्पताल काभ्रे पठाइएकाे प्रहरीले जनाएको छ।