नारायणगढ– मुग्लिन सडक दुईतर्फी सञ्चालन

मुग्लिन (चितवन) । पहिरोका कारण अवरुद्ध नारायणगढ –मुग्लिन सडक दुई तर्फी सञ्चालनमा आएको छ ।  

केही बरे अघि पहिरो पन्छ्याएर उक्त सडक दुईतर्फी सञ्चालनमा ल्याइएको सडक डिभिजन कार्यालय भरतपुरका सूचना अधिकारी इञ्जिनियर चण्डेश्वर साहले जानकारी दिनुभयो ।  

चितवनको  ईच्छाकामना– ६  नाम्सीखोला पुलमा गए राति ८ बजे पहिरो खसेपछि सडक पूर्ण रूपमा अवरुद्ध बनेको  थियो । पहिरो हटाएसँगै सवारी साधन आ–आफ्नो गन्तव्यतर्फ लागेका  छन् । 

 पहिरोका कारण नारायणगढ –मुग्लिन सडक खण्ड पटक–पटक अवरुद्ध हुँदै आएको छ ।