मोटरसाइकलको ठक्करबाट बालकको मृत्यु, चालक फरार

बाँके । बाँकेको राप्तीसोनारी गाउँपालिका-६ मा मोटरसाइकलको ठक्करबाट एक बालकको मृत्यु भएको छ । आइतबार दिउँसो नम्बर नखुलेको एक मोटरसाइकलले ठक्कर दिँदा तीन वर्षीय बालकको मृत्यु भएको हो ।

सिद्देश्वर क्याम्पस नजिकै आइतबार साँढे १० बजे नम्बर नखुलेको मोटरसाइकलले ठक्कर दिँदा राप्ती सोनारी-६, हब्रहवाका तीन वर्षीय बालक श्रीयङ्स बुढाको मृत्यु भएको इलाका प्रहरी कार्यालय भगवानपुरले जनाएको छ ।

मोटरसाइकल ठक्करबाट घाइते भएका बालकलाई उपचारका लागि नेपालगन्ज लैजाँदै गर्दा बाटोमै मृत्यु भएको इलाका प्रहरी कार्यालय भगवानपुरका इन्चार्ज प्रहरी निरीक्षक राजन रायमाझीले जानकारी दिनुभयो ।

ठक्कर दिने मोटरसाइकल र चालकको खोजी भइरहेको प्रहरीले जनाएको छ ।