प्रतिनिधिसभा हुम्लामा माओवादी केन्द्रका लामा विजयी

सिमकोट । हुम्लाको प्रतिनिधिसभा सदस्यमा नेकपा माओवादी केन्द्रका छिरिङ दम्डुल लामा कार्चेन निर्वाचित हुनुभएको छ ।

लामा १४ हजार तीन सय ७१ मत ल्याएर निर्वाचित हुनुभएको हने ।

उहाँका निकटतम प्रतिस्पर्धी नेकपा एमालेका दल रावल नौ हजार पाँच सय १६ मत ल्याएर पराजित हुनुभएको छ ।

उहाँहरुबीच चार हजार आठ सय ५५ मतको मतान्तर रहेको छ । यस्तै राप्रपाका तेजबहादुर रावतले तीन सय ७८ मत प्राप्त गर्नुभएको छ ।

यस्तै बदर मत सङ्ख्या पाँच सय २४ थियो । हुम्लामा दुईवटै प्रदेश र प्रतिनिधिसभा सदस्यमा गठबन्धन विजयी भएको छ । रासस