छोराले गरे आफ्नै बाबुको हत्या

पाल्पा । पाल्पाको माथागढी गाउँपालिका वाडा नं. नम्बर ४ का १४ वर्षीय छोराले आफ्नै बुवाको हत्या गरेका छन् ।

शनिबार राती करिब ८ बजेको समयमा घरमा सामान्य झगडा हुँदा बालकले आफ्नै बुवा ४५ वर्षीय तिल बहादुर दिसालाई दाउराको चिर्पटले हानी हत्या गरेको प्रहरीले जनाएको छ ।

हत्यामा संलग्न बालकलाई नियन्त्रणमा लिईएको जिल्ला प्रहरी कार्यालय पाल्पाका प्रहरी नायब उपरीक्षक वीरेन्द्र थापाले जानकारी दिनुभयो । उहाँका अनुसार घटनाका बिषयमा थप अनुसन्धान कार्य जारी रहेको छ ।