लागु औषधसहित पक्राउ परेका व्यापारी सार्वजनिक

टीकापुर कैलाली । कैलाली प्रहरीले लागु औषधसहित पक्राउ परेका धनगढीका एक जना व्यापारीलाई सार्वजनिक गरेको छ ।  

लागु औषध चरेससहित गएराति पक्राउ परेका ३६ वर्षीय दिनेश सिंहलाई कैलाली प्रहरीले आज सार्वजनिक गरेको जिल्ला प्रहरी कार्यालय कैलालीका प्रवक्ता प्रहरी नायव उपरिक्षक वेदप्रकाश जोशीले जानकारी दिनुभयो । 

बझाङको जयपृथ्वी नगरपालिका वडा नम्बर ६ घर भई हाल धनगढीको जुगेडामा किराना पसल गरेर बसेका सिंहलाई एक किलो चरेससहित गएराति प्रहरी पक्राउ गरेको थियो । 

सिंहमाथि थप अनुसन्धान भइरहेको प्रवक्ता जोशीले बताउनुभयो ।