बर्दियाको गुलरियामा प्रशासनद्वारा बजार अनुगमन

बर्दिया । बर्दियाको गुलरियामा जिल्ला प्रशासन कार्यालय बर्दिया, घरेलु कार्यालय, गुलरिया नगरपालिका र नापतौल विभाग नेपालगंजको संयुक्त टोलीले आज बजार अनुगमन गरेको छ  । 

उद्योग वाणिज्य विभागको परिपत्र अनुसार किराना पसल, कस्मेृटीक पसल, फेनसी पसल, लगायतका पसलमा अनुगमन गरिएको जिल्ला प्रशासन कार्यालय बर्दियाको सहायक प्रमुख जिल्ला अधिकारी रमेश पाण्डेले बताउनुभयो  । कानुन बमोजिम नमिलेको पसलमा कैफियत अनुसार जरिवाना समेत गरेको उहाँले बताउनुभयो 

गैर कानुनी रूपले व्यापार व्यवसाय गर्न नपाउने र पहिला गरेको अनुगमनमा दिइएको सुझाउलाई नमान्ने केही पसललाई जरिवाना समेत गरेको गुलरिया नगरपालिकाका वरिष्ठ अधिकृत मुकुन्द अर्यालले बताउनुभयो ।