पहिरोमा बेपत्ता सासू-बुहारी मृत फेला 

ताप्लेजुङ । सिरीजङ्घा गाउँपालिका–७ खेवाङमाको तेम्फुमा पहिरोले घर बगाउँदा सासू र बुहारीको मृत्यु भएको छ । पहिरोले बगाएर बेपत्ता भएका उनीहरू मृत अवस्थामा फेला पारिएको  वडाध्यक्ष बद्ध दाहालले जानकारी दिनुभयो । सासू तुलसा अधिकारी  र बुहारी यशोदा अधिकारीलाई  उनीहरूको घर रहेको स्थानभन्दा केही तल मृत अवस्थामा फेला पारिएको उहाँले जानकारी दिनुभयो । 

एउटै घरमा ३ जना बस्ने गरेकोमा छोरा विष्णु अधिकारी भने भागेर बाँच सफल भएको थिए ।  भाग्ने क्रममा  उनी सख्त घाइते छन् । दाहालका अनुसार पहिरोले वडामा मात्र ३० घरपरिवार विस्थापित बनाएको छ । 

 जिल्ला प्रहरी कार्यालय ताप्लेजुङका प्रहरी प्रमुख कैलाश राईले घटनाको जानकारी पाउनासाथ प्रहरी टोली घटनास्थलतर्फ गएको गएको जनाकारी दिनुभयो । बाढी र पहिरोले  ताप्लेजुङका विभिन्न स्थानमा क्षती गराएको उहाँले जानकारी दिनुभयो ।  सरिजिङ्गा वडा नं ६ मामाङखे र फक्ताङलुङ गाउँपालिका वडा नं ३ लङिखमीको  सिवा क्षेत्र लगायतका स्थानमा पहरोले समस्या सिर्जना गरेका खबर प्राप्त भएको उहाँले जानकारी दिनुभयो ।