बाराको विश्रामपुर गाउँपालिकामा २४ घण्टे बर्थिङ्ग सेन्टर सञ्चालनमा
बारा । बाराको विश्रामपुर गाउँपालिकामा २४ घण्टे बर्थिङ्ग सेन्टर सञ्चालनमा आएको छ ।
एक कार्यक्रमकाबिच नव निर्वाचित गाउँपालिकाका अध्यक्ष जुल्फकार अलि भुट्टोले २४ घण्टे बर्थिङ्ग सेन्टरको उद्घाटन गर्नुभएको हो ।
विश्रामपुर स्वास्थ्य चौकीमा सञ्चालनमा आएको बर्थिङ्ग सेन्टरमा गाउँपालिका अध्यक्ष भुट्टोले बर्थिङ्ग सेन्टरमा जन्मिने पहिलो बच्चालाई नगद रु २५ हजार प्रोत्साहन स्वरूप उपलब्ध गराउने घोषणा गर्नुभएको छ ।
जनताको स्वास्थ्यलाई मध्यनजर गरी बारा र पर्सा जिल्लाका लागि गाउँपालिका नागरिकलाई निःशुल्क एम्बुलेन्स सेवा उपलब्ध गराइने गाउँपालिकाको कार्यालयले जनाएको छ ।
प्रतिक्रिया राख्नुहोस्