पेट्रोलियम पदार्थ सम्बन्धी समन्वय बैठक सम्पन्न
सुनसरी । जिल्ला प्रशासन कार्यालय सुनसरीमा पेट्रोलियम पदार्थ सम्बन्धी समन्वय बैठक सम्पन्न भएको छ ।
बिहीबार प्रमुख जिल्ला अधिकारी इन्द्रदेव यादवको कार्यकक्षमा पेट्रोलियम पदार्थको आपूर्ति र उपभोक्ताको हितबारेमा बैठकमा छलफल भएको छ ।
बैठकमा नेपाल आयल निगमको १ नं. प्रादेशिक कार्यालय, विराटनगर, पेट्रोलियम डिलर एसोसिएसनको प्रतिनिधिहरू, सुरक्षा निकायका प्रमुखहरूको उपस्थिति रहेको थियो ।
संयुक्त समन्वय बैठकले पेट्रोलियम पदार्थको सहज आपूर्ति, अनाधिकृत ओसार पसार, गुणस्तर र परिमाण सम्बन्धी नियमन, आपसी समन्वय सम्बन्धी विषयमा छलफल गरिएको थियो ।
प्रतिक्रिया राख्नुहोस्