३ सय ९७ कोरोना सङ्क्रमित थपिए, ३ सय ८९ सङ्क्रमणमुक्त
काठमाडौँ । देशभरि आज ३ सय ९७ कोरोना संक्रमित थपिएका छन् ।
११ हजार ६६ नमुना परीक्षण गर्दा ३ सय ९७ मा संक्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
गएको २४ घण्टामा ३ सय ८९ जना सङ्क्रमणमुक्त भएका छन् ।
मन्त्रालयको तथ्याङ्क अनुसार कोरोना सङ्क्रमणबाट निको भएको दर ९७ दशमलव ७ प्रतिशत छ ।
आज कोरोनाबाट संक्रमित मध्ये तीन जनाको मृत्यु भएको मन्त्रालयले जनाएको छ । योसँगै कोरोनाबाट मृत्यु हुनेको सङ्ख्या ११ हजार ४ सय ६९ पुगेको छ ।
नेपालमा ७ हजार ४ सय ९८ कोरोनाका सक्रिय सङ्क्रमितले उपचार गरिरहेका छन् ।
प्रतिक्रिया राख्नुहोस्