तनहुँ सुनचाँदी व्यवसायी सङ्घको अध्यक्षमा विनोदकुमार बिक

तनहुँ ।  तनहुँ सुनचाँदी व्यवसायी सङ्घको अध्यक्षमा विनोदकुमार बिक निर्वाचित हुनुभएको छ । 

शनिबार सम्पन्न पाँचौँ साधारण सभा तथा तेस्रो अधिवेशन अन्तर्गत आइतबार सार्वजनिक मत परिणामअनुसार अध्यक्षमा विजयी विकले ९२ मत तथा प्रत्याशी एक बहादुर विकले ७५ मत प्राप्त गर्नुभयो ।

नव गठित सङ्घको उपाध्यक्षमा ९० मत ल्याई हरि गहतराज निर्वाचित हुनुभयो । प्रतिस्पर्धी भिमबहादुर विकले ७९ मत प्राप्त गर्नुभयो । 

अधिवेशनबाट सचिवमा दमबहादुर सुनारले १०० मत प्राप्त गरी विजयी हुनुभयो । सचिवका अर्का प्रत्याशी पूर्णबहादुर विकले ६३ मत प्राप्त गर्नुभयो । 

अन्य पदहरू भने सर्वसम्मत चयन भएको थियो । 

त्यस्तै, कोषाध्यक्ष रोहित सेन्चुरी, सहसचिव रुद्र सुनार चयन हुनुभएको छ ।

सदस्यहरूमा वीरबहादुर सुनार, बुद्धिबहादुर विक, राजेन्द्र गोतामे सुनार, दिनेश विक, सूर्या रसाइली, विनोद चुँदारा, दिनेश विक, दीपेन्द्र सुनार रहनुभएको छ । 

सङ्घका निवर्तमान अध्यक्ष कृष्ण सुनारको अध्यक्षतामा भएको अधिवेशनको गण्डकी प्रदेशका विना विभागीय मन्त्री डोबोटे विश्वकर्माले उद्घाटन गर्नुभएको थियो ।