सुदूरपश्चिममा बाढी पहिरोमा परि मृत्यु हुनेको सङ्ख्या ३० पुग्यो, २४ जना बेपत्ता
धनगढी । सुदूरपश्चिम प्रदेशमा बाढी पहिरोमा परि मृत्यु हुनेको सङ्ख्या ३० पुगेको छ । यस्तै बाढी पहिरोमा २४ जना बेपत्ता भएका छन् भने १६ जना घाइते भएका छन् ।
सुदूरपश्चिम प्रदेश प्रहरी कार्यालय धनगढीको पछिल्लो तथ्याङ्कअनुसार बाढी पहिरोमा परि हालसम्म प्रदेशमा ३० जनाको मृत्यु भएको छ ।
बाढी पहिरोमा परि सबैभन्दा बढी डोटीमा १५ जनाको मृत्यु भएको छ ।
यसैगरी, बझाङमा ८ जना, बैतडीमा ४ जना, डडेलधुरामा २ र कैलालीमा १ जनाको मृत्यु भएको प्रदेश प्रहरी कार्यालयका प्रवक्ता एसएसपी विक्रमबहादुर चन्दले बताउनुभयो ।
त्यस्तै, बाढी पहिरोमा बगेर बझाङमा २१ जना, बैतडी, डोटी, कैलालीमा एक र एक जना बेपत्ता भएका छन् ।
यस्तै डोटीमा ११ जना, बझाङमा १ जना, डडेलधुरा र बैतडीमा २र२ जना घाइते भएका छन् ।
प्रतिक्रिया राख्नुहोस्