वडा कार्यालयद्वारा ११ गाउँका बडघरलाई मोबाइल
टीकापुर कैलाली । टीकापुर नगरपालिका वडा नम्बर ६ ले ११ गाउँका बडघरहरुलाई १/१ थान मोबाइल उपहार दिएको छ ।
वडाका सिम्रेनी, लक्षिनापुर, मिलनपुर, नारायणपुर, प्रसेनी, पानीमूला, ओखरपुर, आम्बासा, बेलुवाबोझी, भगवानपुर र भर्तापुर गाउँका बडघरलाई मोबाइल उपहार दिइएको हो ।
नगरपालिका र वडा कार्यालयबाट प्रवाह गरिने सूचना स्थानीय स्तरमा छिटो छरितो पुगाउनका लागि सजिलो होस् भन्ने उद्देश्यका साथ मोबाइल उपहार दिएको वडाध्यक्ष बलीराम चौधरीले बताउनुभयो ।
वडाले यसअघि चिराकी र महिला स्वास्थ्य स्वयंसेविका गरी २४ जनालाई साइकल पनि उपहार दिएको थियो ।
प्रतिक्रिया राख्नुहोस्