जनचेतनामूलक कार्यक्रम गरी विश्व मुटु दिवस मनाइयो
काठमाडौँ । विश्व मुटु दिवस आज नेपालमा पनि जनचेतनामूलक कार्यक्रम गरी मनाइएको छ ।
विश्व मुटु दिवसको अवसरमा Heart to Heart Nepal ले आज ललितपुरमा आयोजना गरेको कार्यक्रममा स्वास्थ्य राज्यमन्त्री उमेश श्रेष्ठले ७ वटै प्रदेशमा मुटु अस्पताल बनाउने बताउनुभएको छ ।
राज्यमन्त्री श्रेष्ठले मुटु रोग लगायत दीर्घ रोगको उपचारलाई सहज बनाउन सरकारले प्रयास गरिरहेको बताउनुभयो ।
स्वास्थ्य राज्यमन्त्री श्रेष्ठले आगामी वैशाखसम्म सबै नागरिकलाई कोरोना विरुद्धको खोप लगाइने उल्लेख गर्नुभयो ।
वरिष्ठ मुटुरोग विशेषज्ञ डा. भगवान् कोइरालाले जीवनशैलीमा आएको परिवर्तनले मुटुरोगीको सङ्ख्या बढ्दै गएकोले जीवन शैलीमा परिवर्तन ल्याउन आवश्यक रहेको बताउनुभयो ।
त्यस अवसरमा डा ऋषि कुमार काफ्ले डा. वसन्त पन्त डा.रवि मल्ल डा आर पी बराल र कलाकार कृष्ण कँडेललाई सम्मान गरिएको थियो ।
हरेक वर्ष विश्वभर १ करोड ८६ लाम मानिसको मुटु रोगबाट मृत्यु हुने गरेको विश्व मुटु सङ्घले जनाएको छ ।
नेपालमा पछिल्लो दुई दशकमा मुटु रोगीको सङ्ख्या तीन गुणा बढेको छ । नेपालमा मुटुरोगीको सङ्ख्या ७५ लाख रहेको जनाइएको छ ।
प्रतिक्रिया राख्नुहोस्