पोखराको तिवारी फोम हाउसमा आगलागी : ६५ लाखभन्दा बढीको क्षति

कास्की । पोखराको नागढुंगास्थित तिवारी फोम हाउसमा आगलागी भएको छ । 

मङ्गलवार राती करिब ९ बजेको समयमा आगलागी भएको पसलका सञ्चालक थानेश्वर तिवारीले बताउनुभयो  । 
पसलमा आगलागी हुँदा फोम, म्याट्रेस, कुसन कार्पेट लगायतका बस्तुहरू जलेर नष्ट भएको तिवारीले बताउनुभयो । 

ध्रुव राजभण्डारीको घर भाडामा लिएर तिवारीले पसल सञ्चालन गर्दै आउनुभएको थियो  । 

पसलमा भएको आगलागीबाट करिब ६५ लाख बराबरको क्षति भएको तिवारीको भनाइरहेको छ । 

पोखरा महानगरको वारुणयन्त्र, स्थानीय र प्रहरीको सहयोगमा आगो नियन्त्रणमा लिइएको र मानवीय क्षति भने नभएको कास्की प्रहरी जनाएको छ ।

विगत १० वर्षअघि सुरु भएको उक्त पसल न्यूरोडमा सञ्चालित रहेकोमा एक महिना अघि मात्र उक्त ठाउँमा स्थानान्तरण गरिएको थियो । 

आगलागीको कारण भने खुल्न सकेको छैन । चट्याङका कारण विद्युत् सर्ट भई आगलागी भएको हुनसक्ने प्रहरीले अनुमान गरेको छ  । 

घटनाबारे थप अनुसन्धान भइरहेको जिल्ला प्रहरी कार्यालय कास्कीले जनाएको छ ।