पत्रकार महासङ्घ पाल्पाद्वारा पत्रकारहरूको बिमा
पाल्पा । नेपाल पत्रकार महासङ्घ पाल्पाले सदस्य तथा कर्मचारीहरूको बिमा गरिदिएको छ ।
पाल्पा जिल्ला शाखाका सदस्य तथा कर्मचारी गरी एक सय एक जनाको दुर्घटना तथा उपचार खर्च बिमा गरिएको हो ।
महासङ्घले प्रत्येक पत्रकारको एक लाख बिमांकको दुर्घटना बिमा र दश हजार बराबरको उपचार खर्च सहितको महासङ्घका अध्यक्ष रेखिराम रानाले बताउनुभयो ।
बिमित व्यक्तिहरू बिरामी भई उपचार गर्दा लागेको खर्चमा अधिकतम १० हजार खर्च सगरमाथा इन्स्योरेन्स कम्पनीले व्यहोर्ने छ ।
यस्तै कुनै पत्रकारको दुर्घटनामा परी मृत्यु भएका एक लाख रुपैयाँ कम्पनीले उपलब्ध गराउनेछ ।
महासङ्घले पत्रकारको बिमाका लागि सेवा प्रदायक कम्पनी सगरमाथा इन्स्योरेन्स कम्पनीसँग बिमा सम्झौता गरेको छ ।
सगरमाथा इन्स्योरेन्स पाल्पा शाखाका प्रबन्धक करुणा काफ्लेले बिमाले पत्रकारको भौतिक सुरक्षा तथा सम्भावित जोखिममा सहयोग पुर्याउने बताउनुभयो ।
प्रतिक्रिया राख्नुहोस्